منتديات عشائر الفريجات
اهلا وسهلا بزوار منتدياتنا الكرام... يمكنكم التسجيل من القائمة الرئيسية...يسعدنا وجودكم معنا

منتديات عشائر الفريجات

منتديات تهتم بكل ما يخص عشائر الفريجات وتاريخها وادبها
 
الرئيسيةس .و .جبحـثالتسجيلدخول
يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ
منتديات عشائر الفريجات ترحب بزوارها وأعضائها الكرام.. فأهلا وسهلا .. زوارنا الكرام بإمكانكم التسجيل في المنتديات أو الدخول كزوار والمشاركة بالكتابة في أي منتدى أو الرد على المشاركات ...
منتديات عشائر الفريجات منتديات حرة لجميع الأقلام والمشاركات من جميع إخوتنا عشائر العراق الأصيلة
المواضيع الأخيرة
» شيوخ عشيرة البزون
الإثنين يونيو 19, 2017 7:44 pm من طرف احمد البزوني

» عشيرة البزون
الإثنين يونيو 19, 2017 7:40 pm من طرف احمد البزوني

» نسب عشيرة خويلد في العراق
الخميس يناير 12, 2017 12:12 am من طرف الخالدي

» سؤال وجواب
الجمعة فبراير 26, 2016 3:24 pm من طرف د هاشم الفريجي

» مغادره المنتدى
الأربعاء فبراير 24, 2016 4:28 pm من طرف حمادي الفريجي

» عاصي نعيمة البديري
السبت فبراير 20, 2016 8:40 pm من طرف زائر

» ما هو حقيقة اصل الصبيح في السراي؟
الخميس فبراير 18, 2016 1:25 pm من طرف زائر

» الاستفسار عن أنساب العشائر
الخميس فبراير 18, 2016 3:37 am من طرف زائر

» منهجنا الجديد بالتحقيق عن كل مايخص نسب الفريجات
الثلاثاء فبراير 16, 2016 2:50 am من طرف حمادي الفريجي

» هل توجد وثيقة بسكن الفريجات في الاعظميه
الأحد فبراير 14, 2016 3:25 am من طرف د هاشم الفريجي


شاطر | 
 

 الزنزانه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ام علي الفريجي



انثى عدد المساهمات : 86
نقاط : 182
تاريخ التسجيل : 14/04/2011

مُساهمةموضوع: الزنزانه   الثلاثاء مايو 17, 2011 12:01 pm

هذه قصيده للشاعرالدكتورهاشم الفريجي انقلها مثلما نشرت في ديوانه(مر ياوطن)
في السجن الانفرادي في أبي غريب حيث سجن فيها أخي الشيخ علي مع مجموعه من الشباب قبل إعدامه...
الزنزانه 73
لابو غريب أرد أروح اليوم..
واتعنى أعلى سجّانه
واريد اصرخ بعالي الصوت ..
صرخة روح حيرانه
واﮔلـّـه الانفرادي اشبيه..
واريد انشد الزنزانه..!
@@@
يزنزانه..يزنزانه..؟
وعلي ردّت الزنزانه...
وتﮔلــّي اشعندك امن ابعيد..
مجبل جاينا هنانه؟
وجاوبها ..بجنح مكسور..!
اجيت وسفن غرﮔانه
وجفن ما ضاﮔ طعم النوم
فوﮔ عيون سهرانه
يزنزانه..الﮔلب مهموم..
دمعي اتفيض نهرانه
صدﮔ سجنچ..!!
حبيب الروح نايم بين قضبانه؟
وصدﮔ جسمه نحيل وحيل
ليلچ غير الوانه؟!
يزنزانه..
دفكـّي الباب..مشتاﮔ أرد اشمّنه
ونام ابـّين ذرعانه..
واخلي اعيوني تغفى ابشوﮔ..
غفوة موت بحضانه
وحديدچ ما تذوبه ادموع
بين اجفون ذبلانه!
دخبريني علي ابيا حال
صار وليش ماجانه ؟
@@@
وعلي ردّت الزنزانه
وتﮔلـّي..(73) رقمي...
ومولدي هنانه
دخل دمعك عزيز وصير
باسل والصبر شانه
وتعال وشوف شنهو الحال
عدنا وعاين ويانه
واسمعنَّك حچي الماصار
مثله بهاي دنيانه
وعبر ما مرّت ابتاريخ
شعبي وقصص فرسانه...
:ـ الشباب العندي كلهم غيظ
واعيون اتجادح نار
بين اجفون غضبانه
وزلم ما نامت اعلى الظيم
لا ذلـّت لسلطانه
اتلاوى اجفوفها ويالموت
باصبع تلوي اعنانه
ونهر يجري ابصفاة الماي ..
بس ادموم جروانه
ولغم موقوت ساعه ايثور
وتشوفون بركانه
@@@
وبدت تهتف الزنزانه..
:ـ ابو جعفر ابد ميموت
ابو جعفر:سهم بعيون عدوانه
ابوجعفر تعنّى الموت
عنوه وصاح..هذا انه
اعدموني..الحبل موجود..
اسمعوا اهلاه يسجانه
ولا بدل انتمائي ابغير...
لونه وغير عنوانه
مو أول شهيد انه..
ولا آخر شهيد انه
انه ابن الشعب من ثار
هز عرش الطغاة...
وهدم اركانه
وحطم نﮔرة السلمان..
وي قصر النهايه وكسر بيبانه
@@@
ابعزم تصدح الزنزانه
ابوجعفر أبد ميموت..
عمره ابعمر دنيانه
@@@
ونشف دمعي ..
وحچيت بروح فرحانه
هنيّالچ..يزنزانه..!
الرجال البيچ أباة الظيم
وانتي أبطال مليانه
وهنيّاله السجن متروس
برجال المشت للموت ولهانه
واشوفنّه السجن مغرور..
حﮔه ! اسباع ربعه وزلم سكـّانه
ايتباهى وبيهم ايشع نور...
وتوجّرت نيرانه
ونصب د لته وفرح بالضيف
رن هاونه وفاح ابهيل فنجانه
دﮔللولي السجن شيريد...!
واكثر بعد يفخر بيه...
شباب الوطن صدﮔانه
علي وعباس خلانه *
وابو جعفر ابد ميموت
بس ليموت..سجانه

* الشهيد عباس رفيق علي بنفس التهمة.
@@@

المجد والخلود لك علي

[i]
الرجوع الى أعلى الصفحة اذهب الى الأسفل
أ.م.د.حيدر الفريجي



ذكر عدد المساهمات : 44
نقاط : 86
تاريخ التسجيل : 17/03/2011
العمر : 46
الموقع : بغداد

مُساهمةموضوع: رد: الزنزانه   الثلاثاء مايو 17, 2011 5:49 pm

بارك اللة فيك اختنا العزيزة وبارك اللة بالشاعر الكبير الدكتور هاشم الفريجي
اقول ان هؤلاء هم المجاهدون والشهداء الحقيقيون الذين هزوا اركان الطغاة وارعبوهم واذلوهم اما من يدعي الجهاد من ادعياء اليوم فتعسا لهم
الرحمة والخلود لكل شهداء الوطن
الرجوع الى أعلى الصفحة اذهب الى الأسفل
د هاشم الفريجي
Admin
avatar

ذكر عدد المساهمات : 343
نقاط : 586
تاريخ التسجيل : 09/06/2009
الموقع : المؤسس والمشرف العام

مُساهمةموضوع: رد: الزنزانه   الثلاثاء مايو 17, 2011 6:57 pm

الاخت الفاضلة أم علي الفريجي
شكرا لك لنقل هذه القصيدة التي بقي يتناقلها سجناء ابو غريب لفترة طويلة .. وقد أوصلتها الى أخي الشهيد علي قبل
تنفيذ الاعدام وكان يقرأها على السجناء الذين كتبوها عندهم أيضا.

وشكرا للأستاذ الفاضل حيدر الفريجي لتعليقه الرائع

تحية إجلال وإكبار لشهدائنا الأبرار
الرجوع الى أعلى الصفحة اذهب الى الأسفل
http://alfrejat.ahlamontada.net
 
الزنزانه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عشائر الفريجات :: منتدى الشعر والادب-
انتقل الى: