منتديات عشائر الفريجات
اهلا وسهلا بزوار منتدياتنا الكرام... يمكنكم التسجيل من القائمة الرئيسية...يسعدنا وجودكم معنا

منتديات عشائر الفريجات

منتديات تهتم بكل ما يخص عشائر الفريجات وتاريخها وادبها
 
الرئيسيةس .و .جبحـثالتسجيلدخول
يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ
منتديات عشائر الفريجات ترحب بزوارها وأعضائها الكرام.. فأهلا وسهلا .. زوارنا الكرام بإمكانكم التسجيل في المنتديات أو الدخول كزوار والمشاركة بالكتابة في أي منتدى أو الرد على المشاركات ...
منتديات عشائر الفريجات منتديات حرة لجميع الأقلام والمشاركات من جميع إخوتنا عشائر العراق الأصيلة
المواضيع الأخيرة
» عشائر الحديد
الأحد أكتوبر 28, 2018 4:19 am من طرف سامر سمارة

» زعيم عشيرة البوعلي / بيت رمح .... الفريضه عبيد بن سلمان
السبت أبريل 07, 2018 4:15 am من طرف محمد العلياوي

» السلام عليكم ورحمة الله وبركاته اريد ابوذيه على جناس ورويش /اذا مااصيرزحمه
الخميس مارس 29, 2018 9:39 pm من طرف احمد ظاهر العبودي

» شيوخ عشيرة البزون
الإثنين يونيو 19, 2017 7:44 pm من طرف احمد البزوني

» عشيرة البزون
الإثنين يونيو 19, 2017 7:40 pm من طرف احمد البزوني

» نسب عشيرة خويلد في العراق
الخميس يناير 12, 2017 12:12 am من طرف الخالدي

» سؤال وجواب
الجمعة فبراير 26, 2016 3:24 pm من طرف د هاشم الفريجي

» مغادره المنتدى
الأربعاء فبراير 24, 2016 4:28 pm من طرف حمادي الفريجي

» عاصي نعيمة البديري
السبت فبراير 20, 2016 8:40 pm من طرف زائر

» ما هو حقيقة اصل الصبيح في السراي؟
الخميس فبراير 18, 2016 1:25 pm من طرف زائر


شاطر | 
 

 متغير حبيبي...

اذهب الى الأسفل 
كاتب الموضوعرسالة
د هاشم الفريجي
Admin
avatar

ذكر عدد المساهمات : 343
نقاط : 586
تاريخ التسجيل : 09/06/2009
الموقع : المؤسس والمشرف العام

مُساهمةموضوع: متغير حبيبي...   الأحد يوليو 17, 2011 3:11 am

متغيّـر حبيبـــي

متغيِّر حبيبي .. ومـو علـى أوضاعـك
گلّي إشصـار بيـك .. وبـدَّل إطباعـك؟


صايـر مـا تجـاوب مـن أدگ إعليـك
وبْـرَدِّ الرسـائـل خـافـت إشعـاعـك


جوَّالـك سكـت لا مسـج لا مــسگول
چان بكـل دقيقـة إيفـيـض بابـداعـك


ياخذنـا الوكـت ونسولـف آنـا ويـاك
ونـغـرِّد ســوى بالـحـان إيقـاعـك


ولا يخلص حچينا.. وتخلـص الساعـات
ويصفِّـر رصيـدك وآنــي سمّـاعـك


كل يوم الصبــح ترسـل "صبـاح الخيـر"
وبكـل كـملـة منهـا ايفـوح نعنـاعـك


چنت من دگَّة وحدة أهلاً "حبيبي" تصيـــح
هسَّــه . . "المشترك لا يَـرُد" قَـدْ باعـك!


"حاول مرة أخـرى".."المشتـرك مشغـول"
بلكي بوكـت ثانـي إيشـرِّف أسماعـك


صايـر هاتِفَـك "خـارج نطـاق الكـون"
مو بـس العـراق.. ويصعـب إرجاعـك


چنـت إتگول: "أتمنـى الزمـان ويــاك
يـوگف .... وبحنـان أتوسـد إذراعـك"


وتزعـل لو گلتلك : راح "بعـد إسبـوع
يتفـرق شملنـا" ومشكـلـة إقنـاعـك


عشت ابْبَحر حبَّـك وانـتَ بيـه سفّـان
هسَّه ابْبَحـر هجـرك شايـل إشراعـك!


ودموعك سگتنـي وآنـي وردة شـوگ
وانتَ اللـي إزرعتنـي اببيـن أضلاعـك


هيچي اتشح غيومك واني أضوگ الموت!
ويفتني العطش واذبـل وسـط گاعـك..


ترضى إيموت گلبـي الينبـض بطاريـك
وانـتَ الأمّنيتَـه .. وحبَّـك وطـاعـك


مـا تسـأل علـيَّ وآنـي مؤمـن بيـك
وبـحـبَّــك أذوب وأول أتـبـاعــك


ومتبـاوع ابعينـي وچنـت مـن ألگاك
بـاوَّل نظـرة منـّي إتطيـب أوجاعـك


گلّي إشغيَّرك مـا بيـن ليلـة ويـوم..!
وتبيـع الشَّـراك وتشتـري البـاعَـك؟
*******
*****
***
*
د. هاشم الفريجي
الرجوع الى أعلى الصفحة اذهب الى الأسفل
http://alfrejat.ahlamontada.net
 
متغير حبيبي...
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عشائر الفريجات :: منتدى الشعر والادب-
انتقل الى: