من روائع ألشعر الشعبي في ألعراق

من روائع الشعر الشعبي

قصيدة ( يبس شطنه )
===================
يبس شطنه ونسه ألموحان جاليه
أنعم ألله أعلى المطرونذوك ألميه
**
انعم الله اعلى المطر والماي والمزنه
اولويحصل نظم للصيف وانخزنه
عمت عين الرمال اليبست شطنه
هذاك اليحدر الخيال جاليه
**
جاليه رهيف اويحدر الخيال
ومضايف عامره وتلالي بيه أدلال
اليذب الشبج يترس منه سبع سلال
من بني وعجد مابيه سمتيه
**
من بني وعجد نوبات لو شبوط
وتجينه ويلجرف دزكات مال بطوط
شحلات ويلرطب لو حطوا المسموط
خصوصا لو تمرنخله شويثيه
**
شويثي والمضيف امذهبه ادلاله
ودجاج الماي ضال اومحد ابحاله
كبل ديرتنه جانت تشبه ديالى
أم البرتقال او احسن اشويه
**
ديرتنه جميله وتعجب السواح
ومضايف عامره وتباهي بالمرواح
يكفينه سنه بس تمن المصطاح
عمرنه مشترينه وجبنه كميه
=========================[center]

لفاني خفيف ألطول ** مازر
خمل وزرا فوك ألصدر ** مازر
كلبي من لحاظه يثور ** مازر
نهودك والتفك أوجرن بيه
=====================[center]

غيد ألأوده مثيل أبهل ألعرب **مايله
بنور خده يلالي بوجنته ** مايله
أشمعدل ألروح ماتفعل بعد ** مايله
من حيث بربا ألجهل ذايك ملذه ** وطيب
كسر الزجاج انكسر مامشله تداوي ** وطيب
أنا ألزرعت ألورد وعملت منه ** طيب
واليزرع أوراد تالي من ألثمر ** مايله
******
أشماله ألكلب مايرتاح ** ماله
مثل ألبلبحر غركان ** ماله
أليزرعله زرع بالثمر **ماله
يتعبه وصار حظ ألأجنبيه
=========================

يگولون عنه شــهم يحمي الذي ** جــار به
إختــبره بالضيــج مره .. وبالعســر **جربه
إرخيـلــه مره الـحبل ... مره ابرفق ** جربه
آثار مـن الزعـل .. شـوف إعـله وجهه** بدن
خــايـف يـجـي يـوم يرمي علـيحــبـه **بدان
(لا تربط الجربه گرب وحده صحيحة **بدن)
خوف الصحيحه ذيـچ تصبح مثـلهه** جـربه
******
إشـما يجور الزمن تگـه انته عالي** وأشــم
مرخــص اضـلوعـي الك طرزهــه بحله** وشـم
من غير عـطرك ابد .. لتصدگ اهـوه **وشــــم
مـن حيـــث يا زيــن حبـك وسـط دمي** ســره
يلي عــله شـوفتك وگفـت الوادم **ســــــره
لحـلـف وحــگ اــلذي ... لمسجد الاقصى** سره
نجـمي تره ابفـرگتك ينذر إبمحنه **وشــــوم
******
صار الحچي ابلا فعل سوله وغدت ** عاده اله
مافاد بيـه النصــح .. ابدن ولا **عــدلــه
لعـبك تـره عـل الحبل ماهـي يخي** عـادلـه
گلبك طـلع موگلب … ويـحبله مـيه** والـــف
مـو طبع مني من احـب . ابقه ادورن** ولـــف
حـچيك عـجب غـرني واحسبتك آنـه ** ولــــــف
عـضيت شـــفتي ندم … ليـش الگلب** عـاد اله
******
ما يـوم انتـه اغـلطـت گلت الاحــبة** أمــر
واجــرعــنه من فـرگـتك ســم الفراگ** وأمر
ادلّــل علـينه يـمـن رغـباتـه صارن** أمــر
يـلي ابرمــش عـين ولفــك ســاكن** وحاجبـه
نـورك علي ليـش انتـه بكل بخــل** حــاجـبه
لتصــدگ ابـيوم عـطـفـك انـه لي** حـاجة به
لاچـن ضميري الـذي هـزني .. وبـذلك **أمــر
----------------------------------------[center]

يلكلك حلو من الجدم للراس
من كال البعض من بعضك أحله
**
ردت ابدي الوصف والحيره ابدي امنين
ردت انطيك حقك ولو مو كله
**
يل كصتك بدر والشعر جنه ألليل
وجن تطلع شمس من ترفع الكذله
**
يل رمشك كصب من هور أهلنا الجان
من جان أيتشلبه وعرجه بالدهله
**
يل بعينك كحل ماشافته النسوان
رباني الكحل والخالقه امكحله
**
بخدودك دخت والوصف داخ اوياي
جن لمت فواكه وبفرد سله
**
وحلكك صح حلو بس ياحلو دولاب
الحنظل من يمر من شفتك يحله
**
يل رقبتك وسط بين ألكصر والطول
كلت مثل الغزال وكلت مو مثله
**
وصدرك من نضج عاند نضج ليفوك
وغيرك بالعكس لو نضج يدله
**
يل خصرك متاهه اتيه بيه الناس
وجي أنت كنز بس انته تندله
**
من تمشي البشر توكف تصير صفوف
صف يزيح صف ايريد يحتله
**
شلل تمشي الشباب وتلفت الانضار
وانت لوحدك بس تعتبر شله
**
ولأن كل المحاسن تختصر بيك
يعني انت الجمال العل ارض كله
**
ماعندك نقص سبحان من سواك
واتحدى اليشوفك لو لمح خله
منتخالي
نخيت اوليد أخيتي ** منتخالي
وحلفلي ابروح خالي ** منتخالي
كلب سمجه يكلبي ** منتخالي
تظن كل ابن اخت يطلع عليه
شفته
يحط حمره اعلى شفته مره ** شفته
كلت مسكين صارت مره ** شفته
طلع غلطان ظني من ر ** شفته
طلعت لاشكر لاعسل هيه
========================[center]

الروح صعدت للسمه** وكلبي انسجم وي ناره
افيش ياريح الجمه ** وياعنبر النكاره 1
**
اتعده امس وشلون ا مس **انسه وكول طويره
ومن تكعد اكبال الشمس **تزهي ابضواها الديره
مرن اومرن وانه اعس **لكن بعين ازغيره
كحيله واصيله امعلمه **وبحر اليودع اسراره
عين التصدلج بالعمه **وماشاف لذه بداره
**
مدري انه اخاف امن الهوى **ماادري صارت عاده
جيف الكلب مره انجوه **وحيهم وياي اتعاده
مسكين اليدور دوه **ومجنون كلي اشفاده
خله بعد لاتلجمه ** لو زعل دم يتجاره
كلها علي امحزمه **وكلها أصبحت مكاره
**
تتمايل اومرت علي ** خستاوي بعده بسوكه
لتلومني انه اشبيدي **روحي حرك محروكه
اذكر كبل صارتلي في **ماادري كلبي اتبوكه
وبيدر عشقنا اتهدمه **ولميته كاره وكاره
وكل ساعه غيم اتلملمه **تتراعد اومطاره
**
ارد اسألج عن السبب ** تمحين اسم وي الدم
ماكتلي مسكين اوتعب **وكاضي العمر يتألم
مرينه ابحجة عتب ** بلكن تزيلين الهم
جمدوب كاتلني الضما ** ياطعم ماي عماره
انتي لونج مسلمه **جاخفتي من الشاره
==================================[center]

والطمامه
انه الراضع لبنكم ** والطمامه
وانه النمام اسطره ** والطمامه
تريد انسه المنازل ** والطمامه
وهن جهلي وصباي وتاج اليه
**
والترابه
انه مرافك ضعنكم ** والترابه
وعتابي وي المعدل ** والترابه
يهل ساكن الجمشه ** والترابه
المسكن دبن والعيشه هنيه
**
عنبراني
انه مو شتل سمسم ** عنبراني
يفوح العطر مني ** عنبراني
محط السفن كلبي ** عنبراني
وانه الطيب الذات اخذ تحيه
**
والنوافل
وحك من صلى واجب ** والنوافل
عجد حبل الموادد ** والنوافل
انه الحشمت دارم ** والنوافل
يفزعولي ويحلون القضيه
**
كوشه
معزب اظن كلبي ونصب ** كوشه
وتحير غزل صيدي وصار ** كوشه
انه من زامطاني صحت ** كوشه
مصلصل والعكوسه شهود اليه
**
عكسه
انه ابرنو رماني موش ** عكسه
لأن يمشي بطريق اوامشي ** عكسه
تولاني ضرب بطراف ** عكسه
ولاخله عظم سالم خطيه
**
بيديراوي
انه الحاوي رطبكم ** بيديراوي
وانه المحد رواني ** بيديراوي
سألني ألأصل كتله ** بيديراوي
عرف بدراوي انه وخان بيه
===============================

الدهر لو بيا يطحن طحن= لولاج
وما انسى رباج الغاب= لولاج
يمة الدار ظلمة اتصير= لولاج
وتشع انوار لو رديتي الية
===
كت للمنية هواي بحبابي طمي
بس انا اطم الكاع لو طمت امي
==
اهداء الى امي العزيزة قصيدة امي
--------------------------------
امي عيونها تربي عللدروب
اذا شافتنا نتعطل عليها
وتفتح زيجها وتدعي ويا الغروب
ورب الكون يستقبل حجيها
واذا طحنا بشدايد خطة الموت
اللة يعينا ونركض نجيها
امي اجفوفها المالحها انسان
بس اللة يلوح اجفوف ايديها
اذا امي اندعت تهتز الاجبال
وتهز اكبر صغر امي بدعاها
وذا امي اندعت ماترفع الراس
تمد اجفوفها وتنزل سماها
واذا امي نعت تخفة النواطير
وتنوم الماينام امي بنعاها
امي اكبر سفينة معاندة الريح
وملاليح السفن لاذت وراها
امي اكبر صبر من صبر ايوب
وصبر ايوب متربي بصباها
امي العوز ضكها وما شكت يوم
لان متعودة من اول رباها
شح منها الرغيف بساعة العوز
وهدم تنورها ونارا طفاها
رغم عسر الوكت بحظانها ينام
امي اجفوفها محد لواها
روت كاس الصبر بدموع العيون
رغم كاس الصبر بهم رواها

امي شمس ربنا مضوية عل كون
وعل ايام الظلم يعكس ضواها
امي اجمل قصيدة لليكتبون
ويتعلم صبر كلمن قراها
وغير امي ابد ما تعشك الروح
اذا انكرها ما انكر رباها
لان الباري بيها موصي الاسلام
وكالو رضا الباري من رضاها
يمة اخلاف جيتج موحش البيت
وعلى فركاج تون كل الجوارين
انا الشوفتج يا يمة حنيت
مثل لهفة الماي عل بساتين
انا من فركتج يا يمة عانيت
شيعودج الي يا كرت العين
يم كلب الحنين دموع وديت
الج للمكبرة ما وصلة البين
كون مفاركج من صغري ياريت
ولا فاطن عليج وعايس سنين
امس نمت بمكانج لحظة فزيت
شفتج بلحلم جنت عدلة تمشين
ورديت المكانج نمت وغفيت
شفتج كاعدة وكل احنا ميتين
احس فركاج يمة مهدم البيت
وهدم كل المضايف والدواوين
================

طفل ماناس واذكر== شيلة امي
وتحظني وتلفني == شيلة امي
لجن صعبة وكولن== شالت امي
كتاب وسدتة جفوف المنية
*******************

دللول يالولد يبني دللول
عدوك عليل اوساكن الجول
******
ام الولد تحجي با لذراع
مثل السفينه الشايله اشراع
ما لي ولي اودنكت للكاع
**
بيتك يخوي اشلون امره
مره الحياة اوياك مره
.لاشفت راحه او لامسره
******
رافكتهم محلا رفكهم
من الشمس فيولي ابتفكهم
اوكع ثلث نوبات لامهم
******
ياضعن يلكاطع ألبيده
نمشي وراك امشي ابهيده
بيك المجنه اللي نريده
**
راحوا اوماظنتي يعودون
فدوه الشواربهم والعيون
بيهم فلا خابت البطون
===================
===================[center]

ودعنا أ لغالي أو ردينه
يا دمعتنه اْ و دمعة عينه
راح أ و لعيونه أ شتاكينه
يا ريته أ يحن ويرد لينه
**
يامحنة كلبي أوتعذيبه
شيعيد أ لماضي أ و شيجبه
يا من با لصبر أ توصينه
**
ضيعت عمري لأجلها
ما أ ظن أ لكه مثلها
ألصوج منها مو أ هلها
وانه راضي با لرضاها
أ شكد صبر كلبي عليها
محتار بيه أ و مره بيها
أ تغيرت هيله شجاها
وانه ما أ حمل جفاها

==================[center]

سليل أ هل أ لمجارم لبس **بته
وبسده طويل أ لليل **بته
لبن كلبي ردت يا ناس **بته
شريفه أومن شريف أو ِشرف ليه
**
سليل أهل ألمكارم ** من عباها
تبشر لون خا يف ** من عباها
تعال أ لنا وخذها ** من عباها
لون ترضه كلب ولسان هيه
==========================[center]

بسم الله الرحمن الرحيم

الاخ الفاضل ابو نور المحترم

تسلم وعاشت يدك على هذا الاختيار الراقي للاشعار
والذي ينم عن رقة ذوقك ودرايتك بالشعر

ابيات وقصائد ولا اجمل ..

وبودي ان اتسائل هل هي لك ام منقولة وهل يمكن معرفة
شعرائها.

مع خالص الود

د.هاشم الفريجي

» أيتها الحاضرة
» قصيده من الشعر الشعبي ( ألأب يقف على قبر ولده ) للشاعر ابو عمار الربيعي
» عشائر السراي ( ألسراج ) في ألعراق